Pinupuri ka't pinasasalamatan.
Sa mga tampo't lambingan,
sa mga iyakan,
nakita ko Siya sa iyong mga mata.
Naramdaman ko ang kanyang Presensya.
Magulo man at masalimuot,
pumapaibayo pa rin ang pag-ibig,
ang pagnanasang magmahal ng walang tigil.
Kailangan man putulin ang ating paghaharap,
Ngayon ito'y sadyang napakahirap,
Naniniwala akong magkikita ulit tayo
Sa paglalakad sa ating mga landas na tinahak -
ikaw na puno na ng galak at ligaya,
akong nag-uumapawa sa pagmamahal, tapang
at pasasalamat.
